Psalm 28
WLC Consonants Only

1לדוד אליך יהוה ׀ אקרא צורי אל־תחרש ממני פן־תחשה ממני ונמשלתי עם־יורדי בור׃

2שמע קול תחנוני בשועי אליך בנשאי ידי אל־דביר קדשך׃

3אל־תמשכני עם־רשעים ועם־פעלי און דברי לום עם־רעיהם ורעה בלבבם׃

4תן־להם כפעלם וכרע מעלליהם כמעשה ידיהם תן להם השב גמולם להם׃

5כי לא יבינו אל־פעלת יהוה ואל־מעשה ידיו יהרסם ולא יבנם׃

6ברוך יהוה כיש־מע קול תחנוני׃

7יהוה ׀ עזי ומגני בו בטח לבי ונעזרתי ויעלז לבי ומשירי אהודנו׃

8יהוה עז־למו ומעוז ישועות משיחו הוא׃

9הושיעה ׀ את־עמך וברך את־נחלתך ורעם ונשאם עד־העולם׃

WLC Consonants Only

Section Headings Courtesy Berean Study Bible

BibleApps.com

Psalm 27
Top of Page
Top of Page