Biblos Study Bible Bildad: Man Cannot Be Righteous 1וַ֭יַּעַן בִּלְדַּ֥ד הַשֻּׁחִ֗י וַיֹּאמַֽר׃ 2הַמְשֵׁ֣ל וָפַ֣חַד עִמֹּ֑ו עֹשֶׂ֥ה לֹ֗ום בִּמְרֹומָֽיו׃ 3הֲיֵ֣שׁ מִ֭סְפָּר לִגְדוּדָ֑יו וְעַל־ מִ֝֗י לֹא־ יָק֥וּם אֹורֵֽהוּ׃ 4וּמַה־ יִּצְדַּ֣ק אֱנֹ֣ושׁ עִם־ אֵ֑ל וּמַה־ יִּ֝זְכֶּ֗ה יְל֣וּד אִשָּֽׁה׃ 5הֵ֣ן עַד־ יָ֭רֵחַ וְלֹ֣א יַאֲהִ֑יל וְ֝כֹוכָבִ֗ים לֹא־ זַכּ֥וּ בְעֵינָֽיו׃ 6אַ֭ף כִּֽי־ אֱנֹ֣ושׁ רִמָּ֑ה וּבֶן־ אָ֝דָ֗ם תֹּולֵעָֽה׃ פ |
